|
|
 |
گلهییهک له chra .tv مههاباد شیر پهنجه نیه... ئیسماعیل کهریم |
|
ئایا خاوهن قهڵهمێکی ناسراوی وهک مهههباد قهرهداغی که بۆ چارهکه سهدهیهک زیاتره دهنوسێت نابێت مافی ئهوهی ههبێت ڕهخنه له هونهرێک بگرێت که سهرباری سوکایهتی دهکات به ڕهگهزهکهی، ئایندهی هونهری کوردیش بهرهو ههڵدێر دهبات، تهنها به خاتری ئهوهی بهڕێزیان له ژێر سایهی دهستهڵاتی زهردا دهژی؟؟؟ ئایا ئهوه دهستهڵاته بهرپرسیاره بهرامبهر بهو ههموو گهندهڵکاری و بێ ئاوی و بێ کارهبایی و ئاینده نادیاری ئهم میلهتهو ژن کوشتن و ...هتد یان مههاباد قهرهداغی؟؟؟
بۆ خۆم لهوه دڵنیام که بابهتهکهی بهڕێز مههاباد قهرهداغی بهدهر نیه له ڕهخنهو کهم و کوڕی، که دهکرا فهرامۆشیان نهکات و زۆر رهههندی تر ههیه که پێوستی لهسهر وهستان بوو، بهڵام نهیکردوه، وهک پاڵپشتی دهستهڵات لهههمبهر ئهم جۆره هونهرمهندانه و فهرامۆش کردن و له پهراوێز خستنی کۆمهڵێ هونهرمهندی جدی، که ههردهم مایهی شانازی هونهری کوردین،، یان بێ ههڵوێستی خودی ئافرهت خۆیان، که بهو تێکستانهی گۆرانیهکانی عهزیز وهسی یهک پارچه سوکایهتیه پێان سهرچۆپیهکه به کهس نادهن و، پهیتا پهیتا خهریکی وێنه گرتنن له گهڵیدا،، یان ئایا خهڵکی تر کهمه له ئاستی بهرزتردا که هونهری گۆرانی کوردی بهرهو سهرگهردانی بردوه، بهڕێزیان بێ دهنگن لێی؟؟
|
|
بهشی ڤیدۆکانم |
|
دوای ماندوو بوون و ههوڵی هاوڕێی خۆشهویست کاک ئاری دیزاین
توانرا ههندێك له هۆنراوهکانم بهدهنگ و ههندێک له دیداری تیڤیهکانم لێرهدا پهخش بکرێت و بهشێکی تایبهتی بۆ بکرێتهوه،، لهگهڵ سوپاس و پێزانینی زۆر بۆ بهڕێزی...
به ئومێدی کات و ساتێک بهسود لهگهڵیدا
بۆ بینینی ئهم بهشه تکایه خوێنهری بهڕێز کرته لهسهر بهشی ڤیدۆکانم بکه
لهگهڵ خۆشهویستی ههردهمم بۆتان
دڵسۆزتان
ئیسماعیل کهریم
|
|
کاتێ سوکایهتی دهبێته مهشخهڵی جهنگێک |
|
بۆ وهلانانی عهقلی باوی ڕزیوی ناو کۆمهڵگایهکی داخراوی دواکهوتوو، که دهیان و سهدان ساڵه لهبهر دهم هاوکێشهکانی بون و ژیاندا دهستهو دامێن وهستاون، به بێ ئهوهی بتوانن وهڵامێکی مهعریفی به ههموو ئهو پرسیاره مهعریفیانه بدهنهوه که ئهمڕۆ له ناو سیستهم و کۆمهڵگاکانی تری دونیا چنگیان کهوتوه، به تایبهت پرسیاره زانستی و گهردونی و مرۆیهکان، تهنها کۆمهڵێ وهڵامی خورافی به ههمیشهی لهبهردهم ئهم پرسیارانهدا خۆی زهق دهکاتهوه، که ناکرێت مرۆڤی ڕۆشنبیر و خاوهن پاشخانی عهقڵێکی مهعریفی بهم وهڵامانه ڕازی بێت، که هێندهی له ئهفسانهو ههڵخهڵهتانی عهقڵی کۆمهڵگا نزیکه، به نیو هێنده هیچ پێناس و چوارچیوهیهکی زانستی نایگرێته خۆی، |
|
گۆران و نالیاو تانیا سێ کۆستی لهناکاوا |
|
بهڵام لهم نێوهندا ناکرێت مهرگی( لانیا)*ی تهمهن چوار ساڵ و (تانیا)* ی دایکی له بیر بکهین که له ههمان ئۆتۆمبیل و له ههمان رۆژ و به ههمان کارهسات گیانیان له دهست دا، کهچی زۆر کهمن ئهو کهسانهی به مهرگی ئهم دایک و کۆرپهیان زانی، له کاتێکدا کۆچی لانیا ی منداڵ و تانیا ی دایکی هیچی له کۆچی ناوادهی کاکه گۆران کهمتر نهبوو، گهر ناوبانگ و کاری ڕاگهیاند نهبێت،، کێ ههیه بڵێ کۆچی ئهم مندال و دایکه جهژنی نهکردوه به پرسه بۆ بنهماڵهکهیان؟، کێ دهڵێت تهنیا گهر مهرگ وا زوو زهفهری به لانیا نهبردایه سبهی رۆژ نهدهبویه مرۆڤێکی به ناوبانگ و دڵسۆز بۆ ئهم میلهته؟
|
|
چاوهڕوانیت وا خهریکه دهم سوتێنێ |
|
ههر به تهنها به ئومێدی
چنینی تارایهکی سهوز
له چیمهنی ئهم بههارهت
بۆ کهژاوهی
ئهو ههموو رۆژو مانگانهی
چاوهڕوانیم که پێت بگا
بۆ کۆست کهوتهی ئهو شهوانهی
له ویستگهی چاوهڕوانیدا گوزهراندم
بهبێ ئهوهی
شهمهندهنهفهری وهڵامێک
پرسیاریکم له خۆی بار کا
تهنها باوهشی تۆ نهبێت
واڵا بوو بۆ خهونهکانم
|
|
حوکمهت ئهمهیه وهفاتان بۆ عومهری خاوهر؟؟؟ |
|
وهک ئهوهی جهستهی ههڵهبجهمانتان 16 ساڵه به دهردو خوێن و ئازارهوه هێشتۆتهوه، کۆڵان و شهقام و باخچه و قوتابخانهو سهیرانگاو گۆڕستانی شههیدانو گوڵان و،، به وێرانهبوویی حهوشهی پاشا و بێ ئاوی بی کارهبای و تا ئێستا بۆتان هێشتوینهتهوه، دهسا وازمان لێبێنن با ( عومهری خاوهریشمان) وهك خۆی بمێنێتهوه، ئهو پهیکهرهیه ڕهمزی ئیمهی ههڵهبجهی و ههموو کوردێکی بهئهمهك و مرۆڤ پهروهر لهههر شوینێکی ئهم گۆی زهویهدا بن، گهنجێکی ئهم شارهی ئیمه بوو به بی هیچ یارمهتیك و بهرانبهرێك به دهستو پهنجهی ڕهنگینی توانی ههموو خهموو ئازارو موعاناتهکانمان لهم پهیکهرده کۆبکاتهوه و شانزه ساڵ بیکات به سینبوڵی ههموو کوردێك به گشتی و ههموو ههڵهبجهییهك به تایبهتی،،
|
|
چۆن ئولفهتت پێوه نهگرم؟؟؟ |
|
چی بهو ههموو خهیاڵه ناز نازانه بڵێم ؟
لهم ڕووبهڕه تهسکهی زیندهگیدا
شوێنی ئاوانی تیا نابێتهوه
بهم جهسته گوناه بارهوه
کام پهنجهرهی سهعادهت له ڕوومدا دهکرێتهوه
جارێکی تر
که ئومێدێک پێ شک نهبهم لهو کۆشکهدا
له خهیاڵدا دروستم کرد بۆ تۆ و عهشق |
|
